Bona rido ...
En la lernejo
Elektra pseŭdonimo
Vegetarano
Biletoj
Ĉiam rapidsprita
Modela edzino
Neniam
Instruistino foje rakontis, ke Dio kreis ĉion,
kaj ke la homo estas la plej altranga kreitaĵo.
Ŝi volis scii, ĉu la infanoj komprenis la
instruadon, kaj demandis:
- Kio estas la plej alta, kion Dio kreis?
Knabeto svingis la manon.
- Nu, Per!
- La arboj.
- Jes, jes, ja! La demando estis eble iom erarformulita!
Sed Adamo kaj Evo do, kion ni diras pri ili?
- Ili estis paro da pomoŝtelistoj ...
Post tiu ĉi respondo estis neeble krei pian etoson
en la klaso.
- Antaŭ ol ekloĝi, diris la nova luanto, mi
volus mencii, ke mi estas poeto, sed mi uzas pseŭdonimon.
- Ne estas grave, respondis la luiganta virino, se
ĝi ne uzas tromulte da elektra energio.
- La kaŭzo de mia vegetaraniĝo estas mia opinio,
ke estas malĝuste mortigi senkulpajn bestojn.
- Ĉu vi opinias, ke estas pli delikate formanĝi
la furaĝon de ili?
Li: - Vespere ni tre agrable ordigos por ni.
Ŝi: - Kion ni faros?
- Mi aĉetis tri kinobiletojn.
- Tri? Kiu do akompanos nin?
- Mi aĉetis unu al via patrino, unu al via patro
kaj unu al via frato.
Karlson, ĉiekonata pekulo, renkontas sinjorinon
Johanson, kiu, laŭ propra opinio, estas senerara.
K.: - Estas ja senĉesa pluvaĉa vetero.
S-ino J.: - Jes ja, tion ni havas pro niaj pekoj.
K.: - Tiukaze, s-ino Johanson, provu pliboniĝi,
ĉar ni aliaj turmentiĝas pro tio.
Amikino al alia:
- Dum monatoj mi ne povis eltrovi, kie mia edzo pasigas
la vesperojn. Hazarde hieraŭ vespere mi frue hejmeniris,
kaj tiam evidentiĝis al mi, ke li estas hejme.
Okazis antaŭ nelonge:
- Ĉu via mortinta amiko havis la kutimon paroli
kun si mem, kiam li estis sola? demandis la juĝisto.
- Tion mi ne scias, respondis la atestanto.
- Sed vi ja asertis, ke vi estas unu el tiuj, kiuj
plej bone konis lin.
- Jes, ĝuste tion, respondis la atestanto, sed
mi neniam estis kune kun li, kiam li estis sola.
Franko Luin / 27 februaro 1997
Siv Sjögren / 11 novembro 2004