Esperanto-Societo de Gotenburgo
Masthuggsliden 1
SE-413 18 Gotenburgo
tel: +46 (0)31-12 05 94
rete: gbg@esperanto.se
retpaĝo: esperanto-gbg.org
sveda poŝtĝiro: 436 12-1
UEA-konto: esgo-l
Aktuale
Interesa novaĵeto
La preĝejo de Kållered, sude de Gotenburgo, estas "ĉevoja preĝejo"
(vägkyrka),
kiu dum la monato julio aparte bonvenigas trapasantajn vizitantojn.
Por la vizitantoj tie troviĝas eta informfolio pri la preĝejo,
tradukita al la angla, la
germana kaj Esperanto. La lastajn du tradukojn faris Martin Weichert. (Informis Martin W.)
LA PROGRAMO DE LA SOMERO
Kafejaj somerrenkontiĝoj
Marde 10 junio ekskurso al kafejo ĉe la fortikaĵo de Bohus. Ni renkontiĝos 17h ĉe haltejo Eriksdal. Tien iras buso "Grön express" de placo Brunnsparken 16h23, kiu atingas Eriksdal 16h55. Reen ekz. 18h50, 19h20, 19h50, 20h20.
Marde 15 julio ekskurso al la botanika ĝardeno Botaniska trädgården ...
Marde 19 aŭgusto vizito al la urba parko Trädgårdsföreningen kaj la kafejo Rosencaféet. LOKO ŜANĜITA! Pli da informoj venos...
... Por ĉiuj kafejrenkontiĝoj, bv vidi ĉi tiun paĝon kiam la dato proksimiĝas por pli da informoj.
Nia klubejo
La klubejo estas malfermita marde inter 18–19 h:j. Bv telefoni al nia klubejo – tel: +46 31 120594 (enlande 031-120594) – kaj aŭskulti la mesaĝon en la respondilo, aŭ vidu supre por informoj pri nia aktuala agado. Gastoj kaj vizitantoj ĉiam bonvenaj – bv lasi mesaĝon en la respondilo.
Kiel atingi la klubejon: Iru per tramo 3, 9 aŭ 11 ĝis placo Masthuggstorget. Iru oblikve trans la placon kun la grandegaj mastoj (artaĵo) kaj prenu la lifton, aŭ la ŝtuparon, ĝis la pli alta teraso (Masthuggsterrassen). Daŭrigu for de la teraso inter la domojn 50 metrojn ĝis vi vidos ŝtuparon dekstre. Prenu ĝin. Poste vi staros antaŭ ronda florbedo. Vi nun povas vidi la enirejon de la klubejo meze de la domego antaŭ vi, sub la "1". Bonvenon!
Informado
Membrogazeto: Nia klubgazeto inter-LIGILO havas tekstojn kaj en la sveda kaj en Esperanto. Vi trovas la retajn versiojn de la gazeto ĉi tie.
Aktualaj informoj haveblas de ĉi tiu paĝo kaj de nia telefonrespondilo – tel: +46 31 120594 (enlande 031-120594).
La klubo ankaŭ dissendas rete novaĵbultenon, Rapida Informilo, per kiu ni informas pri aktivecoj kiuj okazas tre baldaŭ (kaj do ne estas menciitaj en la ordinara klubgazeto inter-LIGILO). Sendu retleteron al ni se vi volas senkoste aboni al Rapida Informilo.
Kursoj
En nia klubejo okazas dum la semestroj niaj kutimaj studcirkloj por komencantoj, progresantoj kaj konversaciemuloj. Vi estas tre bonvena viziti niajn cirklojn por renkontigi la lernantojn al eksterlanda esperantisto kiu ne scias la svedan, kaj tiel paroligi la lernantojn en Esperanto! Bv. kontakti nin, se vi vizitos Gotenburgon, vidu kontaktinformojn supre.
La Gotenburga esperantohistorio
La Esperanto-movado en Gotenburgo 1892-1992 – Historia rerigardo pri la Esperanto-movado en Gotenburgo 1892-1992, svedlingva libro aĉetebla ĉe nia klubejo:
La internacia lingvo Esperanto lanĉiĝis en 1887 kaj rapide ekhavis anojn en pluraj landoj. La unua esperantoklubo en Svedio fondiĝis en Upsalo en 1891. La jaron poste, en 1892, la klubo La Esperantistoj fondiĝis en Gotenburgo.
Ĉi tiu verko pritraktas la Esperanto-Movadon dum ties unua jarcento en la Gotenburga areo. Dum tiu periodo 41 kluboj kaj grupoj laboris por Esperanto en la regiono. Foje la societa vivo estis specife vigla: en 1936, ekzemple, 14 kluboj/grupoj agadis en kaj ĉirkaŭ Gotenburgo.
Tre malmulte estas skribita pri loka Esperanto-historio en Svedio. La aŭtoroj deziras per ĉi tiu libro prilumi gravan sed foje neglektitan parton de la Gotenburga societa vivo.
La libro estas svedlingva, kaj troviĝas en kelkaj universitataj bibliotekoj en Svedio, i.a. la gotenburga, kaj en la Urba Biblioteko de Gotenburgo. Ĝi aĉeteblas ĉe UEA kaj ĉe Esperanto-Societo de Gotenburgo, Masthuggsliden 1, 413 18 Göteborg, Svedio.
Bibliotekoj
En nia klubejo troviĝas proks. 1700 libroj en Esperanto. Ni ankaŭ abonas kelkajn Esperantajn periodaĵojn. En la urba biblioteko troviĝas proks. 800 libroj en kaj pri Esperanto.